श्री. जय मल्हार सार्वजनिक ग्रंथालय व वाचनालय , हे देलवडी येथील प्रमुख वाचनालय आहे. येथे सुमारे दोन हजारांपेक्षा अधिक पुस्तके आहेत. ही संस्था वाचनालयापुरती मर्यादित नसून ती एक सांस्कृतिक चळवळ आहे असे मानले जाते. हे वाचनालय देलवडी गावच्या मध्यवर्ती भागात जिल्हा परिषद प्राथमिक शाळेत आहे. वाचकांना वाचनाचा मुक्तपणे आणि मोफत आनंद घेता यावा यासाठी श्री. जय मल्हार वाचनालयाची स्थापना २०२१ मध्ये केली आहे. वाचनालयाची सरकार वाडा येथेही एक शाखा आहे. येथे स्पर्धा परिक्षा, सामाजिक, शैक्षणिक पुस्तके वाचावयास मिळतात.